Аз моҳи октябри соли 2015 дар дафтари Радиои Озодӣ дар Душанбе кор мекунад. Дар гузашта хабарнигори Оҷонси иттилоотии "TojNews" ва нашрияи "ИмрӯзNews" буд. Хатмкардаи факултаи рӯзноманигории Донишгоҳи миллии Тоҷикистон аст.
Дар Тоҷикистон пешниҳод доранд, барои занони хонашин ҳам маош таъин карда шавад. Ба гуфтаи муаллифи пешниҳод Меҳрангез Турсунзода, саҳми занони хонашин, ки дар иқтисоди хонавода бузург аст, дар бештари маврид нодида гирифта мешавад.
Шӯрои васоити ахбори омма, як созмони рӯзноманигорӣ, давоми панҷ моҳи охир кори 13 расонаро дар Тоҷикистон арзёбӣ ва дақиқ кардааст, ки онҳо то куҷо меъёрҳои ахлоқиро риоя мекунанд.
Дар шаҳри Душанбе ҳангоми як нишаст риояти ахлоқи журналистӣ дар расонаҳоро баррасӣ карданд, вале айни замон гуфтанд, ки барои риояти ин меъёрҳо бояд фазои мусоид барои фаъолият фароҳам бошад. Фазое, ки ҳоло дар Тоҷикистон нест.
18-уми декабр Рӯзи байнулмилалии муҳоҷирон аст. Радиои Озодӣ дар остонаи ин рӯз аз хонаводаҳои бархе муҳоҷирон дар кишвар пурсид, ки пули фиристодаи фарзандонашон дар зиндагии онҳо то куҷо муҳим аст?
Ба иттилои як манбаи огоҳ дар мақомоти интизомии Тоҷикистон, тарҳи қонуни афв таҳия шуда, барои тасдиқ ба раиси ҷумҳур пешниҳод шудааст. Ба гуфтаи ин манбаъ, тарҳи қонуни афв моҳи ноябр аз сӯи як гуруҳе таҳия шуд, ки намояндагони ниҳодҳои интизомӣ ва додгоҳии кишвар ба он шомил буданд.
Бархе аз сокинон мегӯянд, интизор доранд, ки Эмомалӣ Раҳмон дар бораи камбуди барқ, кумак ба ятимону камбизоатон ва баланд бардоштани мақоми омӯзгор суҳбат мекунад.
Таҳсили кӯдакони муҳоҷирон, ки забони русиро намедонанд, аз апрели 2025 дар Русия номумкин хоҳад шуд. Думаи давлатии Русия дар ин бора қонун қабул кард. Бархе онро эҷоди мушкили нав ба муҳоҷирони корӣ, аз ҷумла тоҷикон, донистанд. Радиои Озодӣ аз сокинон дар Душанбе пурсид, ки назари онҳо чист?
Раёсати бозрасии давлатии автомобилии Вазорати корҳои дохилии Тоҷикистон аз соҳибони скутерҳое, ки суръати ҳаракаташон аз 40 километр дар соат зиёд аст, талаб дорад, нақлиёти худро аз қайд гузаронанд ва рақами давлатӣ бигиранд. Бархе аз ронандагон бо ин талаб розӣ нестанд.
Хадамоти алоқаи Тоҷикистон бори дигар аз кори ширкатҳои мобилӣ интиқод карда, ҳушдор додааст, ки агар сифати интернету алоқа беҳтар нашавад, иҷозатномаашонро бекор хоҳад кард.
Маҳпора Киромова, рӯзноманигори тоҷик, шикоят дорад, ки нозирони милиса дар Душанбе рӯзи 20-уми ноябр ҳуқуқи писари 14-солаашро поймол кардаанд. Ба нақли ӯ, писараш “бо истифода аз зӯр дастгир ва ҷайби ӯ бе ҳузури шоҳидон кофтукоб шудааст”. Дар идораи милиса касе масъаларо шарҳ надод.
Маҳпора Киромова, рӯзноманигори тоҷик, шикоят дорад, ки нозирони милиса дар Душанбе рӯзи 20-уми ноябр ҳуқуқи писари 14-солаашро поймол кардаанд. Ба нақли ӯ, писараш "бо зӯр дастгир ва ҷайби ӯ бе ҳузури шоҳидон кофтукоб шудааст". Дар идораи милиса касе масъаларо шарҳ надод.
Ясмин ал-Нимр, ягона духтар аз Осиёи Марказӣ аст, ки бори сеюм дар риштаи бадансозӣ ё бодибилдинги (WBPF) ҳирфаӣ қаҳрамони ҷаҳон шудааст.
Як духтар аз Тоҷикистон бори сеюм аст, ки дар риштаи бадансозӣ ё бодибилдинг қаҳрамони ҷаҳон мешавад. Ясмин ал-Нимр, ки дар Душанбе тамрин мегирад, мегӯяд, назарҳо ба бадансозии ӯ гуногун аст, аммо барояш ин муҳим нест, муҳим зиндагии солим ва ривоҷ додани бадансозӣ дар Тоҷикистон аст.
“Ҳафтаи таҳсили байнулмилалӣ” рӯзи 18-уми ноябр дар шаҳри Душанбе оғоз шуд. Ин маърака имкон медиҳад, ки хоҳишмандон бо шароити таҳсил дар донишгоҳҳои хориҷӣ шинос шаванд ва роҳи ояндаи худро интихоб кунанд.
Як ҷавони сокини Душанбе мегӯяд, бо умеди осон кардани кораш фиреб хӯрд ва ҳам мавриди қаллобии як шиносаш қарор гирифт. Ҳамакнун, ӯ бо талоши ходимоҳи ҳифзи қонун талош дорад ҳақ ба ҳақдор бирасад.
“Шавҳар доред?”, “Ба наздикӣ ба шавҳар баромаданӣ нестед?”, “Чанд фарзанд доред?”, “Нияти боз таваллуд кардан надоред?”. Чунин суолҳоро бонувон дар Тоҷикистон ҳангоми ҷустуҷӯйи кор зиёд мешунаванд.
“Шавҳар доред? Ба наздикӣ ба шавҳар баромаданӣ нестед? Чанд фарзанд доред? Нияти боз таваллуд кардан надоред? Чунин саволҳоро занону бонувон ҳангоми ҷустуҷӯйи кор дар Тоҷикистон зиёд мешунаванд.
Саноат Шукурова, зани нобиноро дар шаҳри Ҳисор баъди 16 сол омӯзгорӣ ба нафақа фиристодаанд. Вай мегӯяд, қатъи назар аз дархостҳои зиёдаш, ӯро бо баҳонаи син аз шуғли дӯстдоштааш маҳрум карданд.
Бо шурӯи номнависӣ барои ширкат дар бахтсанҷии "Green Card", даҳҳо нафар дар Тоҷикистон бо умеди роҳ ёфтан ба Амрико ва кору зиндагӣ дар он кишвар дар пайи пур кардани ариза (барга дар бораи ҳувият ва аъзои хонавода) ҳастанд. Баъзе аз онҳо муҳоҷироне будаанд, ки аз Русия ронда шудаанд.
Ёфтҳои бештар
