Аз моҳи октябри соли 2015 дар дафтари Радиои Озодӣ дар Душанбе кор мекунад. Дар гузашта хабарнигори Оҷонси иттилоотии "TojNews" ва нашрияи "ИмрӯзNews" буд. Хатмкардаи факултаи рӯзноманигории Донишгоҳи миллии Тоҷикистон аст.
Дар ҳамоиши панҷуми байнипарлумонии “Тоҷикистону Русия: неруи ҳамкориҳои байниминтақавӣ” дар шаҳри Душанбе, ки рӯзи 13 октябр баргузор шуд, мавзӯи зарурати тавсеаи ҳамкориҳои иқтисодӣ миёни Русия ва Тоҷикистон матраҳ гардид.
Маскав мегӯяд, бо вуҷуди бӯҳрон ва коҳиши сармояҳои Русия ба Тоҷикистон, ин кишвар хостори тавсеаи ҳамкориҳои иқтисодӣ аст.
Хонаҳои тангу торик, як ҳаммом ва як ҳоҷатхонаи умумӣ ва он ҳам берун аз бинои истиқоматӣ, ки барои тамоми сокинони ин маҳал пешбинӣ шудааст. Сокинон дар яке аз маҳаллаҳои маркази шаҳри Ҳисор дар ҳамин шароит ба сар мебаранд.
Як зане, ки тибқи қонуни афв аз зиндон раҳо шудааст, дар бораи ончӣ паси панҷара сурат мегирад, нақл кард. Бар асоси қонуни афв ба муносибати 25-умин солгарди истиқлолияти Тоҷикистон, садҳо нафар, аз ҷумла даҳҳо зан, аз зиндонҳо озод шуданд.
Як зане, ки аз зиндон тибқи қонуни авф раҳо шудааст, дар бораи ончӣ паси панҷара сурат мегирад, нақл мекунад. Бар асоси қонуни афв садҳо нафар аз зиндонҳои Тоҷикистон озод шуданд.
Сумаяи Фирдавс, духтари ҳафтсолаи як муҳоҷири тоҷик, имсол дар баробари 200 ҳазор нафар ба синфи 1-ум ба яке аз мактабҳои Душанбе рафт. Падараш Фирдавс як сол боз дар Русия аст ва ҳоло аз фосилаи 4 ҳазор километр дур ҳар шаб бо духтараш дарс омода мекунад.
Наздик ба 40 сол аст, ки ӯ ба ҳайси муаллими кимиё ва биология дар мактаби таҳсилоти ҳамагонӣ дар ноҳияи Рудакӣ дарс мегӯяд. Мирзомурод Саидов, шоҳиди замони Шӯравӣ ва 25 соли истиқлоли Тоҷикистон, мегӯяд, ки гузариш аз сохти коммунистӣ ба давраи нав осон набуд.
"Истиқлолият гуфта, дар як ҷо нишинӣ, касе кумакат намекунад. Замин ҳаст, агар халқ кор кунад, рисқашро меёбад ва Тоҷикистон то соли 2035 аз вобастагии кишварҳои дигар раҳо хоҳад шуд," - мегӯяд Раҷаб Саидов.
Раҳмихудо Додихудоев танҳо варзишгарест, ки Тоҷикистонро дар Бозиҳои XV тобистонаи паралимпӣ дар шаҳри Рио-де-Жанейрои Бразилия муаррифӣ мекунад. Ӯ дар давидан ба масофаҳои 200 ва 400 метр ширкат меварзад.
Абдухолиқ Ҷӯрабеков 28 сол пеш касберо интихоб кард, ки дар аввал ба ҷои сарбаландӣ барояш дардисарҳои зиёд овард. Вай аввалин акушер-гинекологи мард ва мудири шӯъбаи таваллудхонаи ноҳияи Ёвон аст.
Волидони Сорбон Иброҳимови 24-сола мегӯянд, сабаби аслии марги писарашон ба эҳтимоли қавӣ ҳасудии ҷавони ҳамсоя ба зиндагиву имконияти писари онҳо будааст. Сорбон рӯзи 19-уми август дар пайи як баҳс бо Кароматулло Сафаров ба қатл расидааст.
Тоҷикистон талош дорад, ки намунаи растаниҳои хушкшудаи кишварро ба шабакаи ягонаи байналмилалӣ ворид кунад.
Бархе аз ҳуқуқдонҳои тоҷик шанси соҳибкори зиндонӣ Зайд Саидов ва, генерал Ғаффор Мирзоеву Маҳмадрӯзӣ Исқандаровро барои афв шудан ба сифр баробар медонанд. Онҳо мегӯянд, гунаҳкорони таҷовуз ба номус ва терроризм аз афв маҳрум хоҳанд монд.
Чойхонаи маъруф дар ноҳияи Ҳисор, ки шакли харбузаро дорад, баъди тақрибан як соли мавриди баҳрабардорӣ қарор гирифтан, ҳоло холӣ ба назар мерасад.
Бозори либосҳои мактабӣ дар Тоҷикистон таҳти назорати ҷиддӣ қарор мегирад. Бо қарори ҳукумати Тоҷикистон аз ин ба баъд ҳамагуна либоси мактабӣ, ки аз хориҷ оварда мешавад, танҳо пас аз ташхиси Оҷонсии “Тоҷикстандарт” иҷозаи вуруд ба бозорро мегирад.
Филми кӯтоҳмуддати "Коса"-и коргардони тоҷик Муҳиддини Музаффар ба рӯйхати фестивали байналмилалии филмҳои исломиии Қазон шомил шуд.
Пурсишномаи хабарнигори Радиои Озодӣ аз сокинони шаҳри Душанбе
Як зани тоҷик, аз Муродалӣ Алимардон – раиси “Агроинвестбонк” – хостааст, ки маблағи аз суратҳисоби ӯ гумшударо барояш баргардонанд. Ин маблағ аз тариқи хайрия барои табобати фарзандонаш дар суратҳисоби ӯ ҷамъ шуда будаанд.
Ёфтҳои бештар
